我同佢拍拖拍左差唔多一個月  係我地一齊之前既兩個星期  草草咁見過一次  當時我覺得佢係全場男仔中最型最靚仔果個  我當時只係欣賞佢  冇諗過會同佢一齊  兩個星期後  係一個偶然機會下  我地係online game見面  佢問我拎icq  我唔俾  最後...都係俾左佢 果晚佢就同我講想要我做佢gf 因為我同佢一樣都係打機 我本來對佢已經有好感  我考慮左2個鐘  答應左佢  第二日同佢見面 之後同佢做左  由同佢開始到由家  我都未諗過佢會真心對我  但係不知不覺間  我已經變得好在乎佢  每次出街都係我出錢  佢有野想要 我就會買俾佢 之後 佢會要求我買野俾佢 我唔係出身於有錢家庭 我會考慮值唔值得 但我會對自己講 我愛佢 根本唔可以用金錢衡量 佢開心我會更加開心 佢對我好冷淡下 我會嬲 但我唔會話佢知 佢對我做左d過份既野既時侯 我唔會發佢火 雖然佢份人係自私 但有時都好錫我 同佢一齊左之後 我差唔多未發過脾氣咁滯 前幾晚 我忍唔住佢對我既冷淡 不停咁諗佢係咪利用緊我 終於 我同佢講分手 佢話唔想冇左我 佢唔想再好似以前咁玩玩下 佢對我係真心既 我係一個好易心軟既人 我答應左佢唔分手 但我都仲會時時刻刻有同佢隨時分手既感覺 又有俾佢呃既feel 心真係好痛 因為...我真心愛佢

yes very stupid

你有無唸過...
你真係愛他?
定係你只係迷戀佢...

由一開始...
你根本只係欣賞他..
不過你欣賞都只係他的外表...
但點解又會咁快同他一齊?
你連自己的感覺都未搞清楚...
就已經同他發生關係...

當然...
有開始...亦預左有可能會分手...
其實係無得驚..

我覺得你應該唸清楚自己係咪真係喜歡他..

如果係..
我覺得你唔應該委屈自己...
有咩唔開心...
咪講出來..
既然他話自己想認真拍拖..
應該給機會男仔去做下野..

你應該相信自己係值得被愛..

有時愛情o既威力都幾可怕，可以完全令一個人完全失去理智，不顧一切...

答案其實己經好明顯，只係你唔願去接受，俾借口自己。

kreutzer係時候醒一醒la, 唔好再越踩越深。

[ Last edited by kuji on 2005-8-15 at 10:18 AM ]

係囉.應該分手,我覺得佢根本就係利用你

一開始你諗住玩...
後黎就 用晒心 真係愛佢..
但佢ga表現好明顯係 玩玩吓...
不過都算啦,,
佢之前點對你都算啦...
而家要睇佢 之後ga表現..
睇佢有否改善...
之算你為佢 付出咁多 但佢冇回報
你己經蠢左...
但你真係愛佢 就唔怕 比多次機會佢.
如果佢仲係咁 就算啦 分開算..
否則就更加蠢la~

我諗唔會改善 佢既要求愈黎愈多 我覺得有種透唔到氣既感覺 好辛苦 我同自己講 當到左我既極限既時侯 我會無聲無息咁走 唔會再搵佢 亦都唔會俾佢搵到我(佢會唔會搵我都係一個問題)我會走得無悔無恨 因為我應該或唔應該幫佢既野 我都做左

其實你覺得佢唔係真心鍾意你..
你遲早都會分手..
早ｄ分比遲ｄ分好..
hurt都會少ｄ呢..

愛就係無華蠢唔蠢

Quote:

Originally posted by kreutzer at 2005-8-15 02:31 PM: 我諗唔會改善 佢既要求愈黎愈多 我覺得有種透唔到氣既感覺 好辛苦 我同自己講 當到左我既極限既時侯 我會無聲無息咁走 唔會再搵佢 亦都唔會俾佢搵到我(佢會唔會搵我都係一個問題)我會走得無悔無恨 因為我應該或唔 ...

你識咁諗 就最好啦
有理由 為左一個唔愛自己ga人 付出太多...

我聽過愚孝,愚忠,愚義,現在還有愚愛,不過你有分心的心態這代表你2人關係不是一對情侶應有的,你考慮一下分手可能是王道,雖然寧教人打仔莫教人分妻,不過你認真想想這還是值得維持下去?不要泥足深陷,如果你認真想完之後你都覺得值得,不妨比自己一個期限或某個忍耐情度,如到了期限或情度極限,那你就知道自己是否值得再下去,當然期限或忍耐情度是你自己決定,不要說給仔知,否則他會突然對你好,過了期限或件事過了你也忘記昤他又會固態服盟

[ Last edited by Glues on 2005-8-17 at 03:31 AM ]

佢真係利用你架.........你幾愛佢都好.....都要忍痛分手架la..........

單聽你o既講法
佢好似當你提款機多過鍾意你
我唔知佢求你唔好分手o個一刻有幾真心
或者你可以試o下抽離d睇返段關係
究竟值唔值繼續落去
又或者你覺得愛一個人完全唔應該計較

anyway, 祝福你~