異地戀..
我識左個女仔
由相識到o係埋一齊都係靠網上既..
其實你地覺得
異地戀又有冇可能呢?

有

我未試過~~
不過你話有冇將來就一定有la~~
呢個forum o的人都話la 識好多人咁樣結埋婚tim~~

就咁聽你講~~
你都算男人中少有唸得咁長遠喎~~

[ Last edited by 亨利王子6 on 2005-9-19 at 05:25 PM ]

一定有好多人試過
會有將來ga
如果你地一路都keep得好好gei話

我唔知係點,但要愛就愛,唔好1時1樣,咩有人講異地就唔可以戀咩????愛佢la~反正佢係異地^^

我唔相信

我認為就無...

有 `

不過要睇大家 ` 夠唔夠成熟 + 有信心 `

你覺得你地可唔可以？

有、不過講到將來就、、、、

有 ..
我阿哥係 =]
他們快結婚了 XD

唔..首先多謝大家意見@@
點講呢..
可能有D人 真係你既Mr/Mrs.Right..
總之係埋一齊就會有數不盡既話題..
同佢chat既感覺就係好好..
有好多野..你可以對佢好坦白咁講..
而佢都會好坦白咁對你..
唔知點解..我會諗到『將來』..
我之前拍過幾次拖.. 都冇諗過將來呢樣野
或者有時我女朋友同我講將來..我會有少少反感..
不過唔知點解同佢一齊之後
就好自然咁想同佢以後都一齊..

我同佢開始o個陣..我都考慮過..
對一個女仔黎講..我始終覺得如果佢聖誕..生日..情人節o個d..
如果要佢自己一個孤伶伶咁過..好像對佢好慘咁..
佢病..我又唔可以照顧佢..
仲有好多野..好似睇戲呀..行街咁都唔可以同佢一齊..
咁樣戀法..應該都幾辛苦下..
但係佢話唔care..佢覺得只要忍左呢幾年..以後就可以開開心心咁係埋一齊..

以後既事..真係冇咩人知
我身邊既朋友有時都話我傻 話我幼稚。
搵個o係香港咪得囉..唔洗煩
但係唔知喇^^" 就係剩係鐘意佢..呵呵..

我盡量搵左好多方法同佢保持聯絡..
msn啦 語音..web cam..blog交換日記..屬於我同佢既e-mail..
sms..(不過好貴..$1.8一個..= =..).. 仲有IDD..(IDD反而平..
有d服務係打去屋企只收本地通話費..) 寄信寄禮物..做左好多野..
其實都係想keep好d呢段關係..

我今年考會考..會考既壓力+埋同佢之間既距離..
其實都幾煩下..
我信佢..佢都好信我..
但係..幾年時間佢先會黎香港...感情會轉淡掛..?

我怕有一日真係會冇左感覺..要分手..
你地覺得呢..? 應該keep住落去丫.. 定係趁早分手..?
雖然分手對佢同對我都會好傷心..但..長痛不如短痛..?


『童話故事 是幼稚
     但我亦喜歡天使..』

你話佢黎香港既意思係咩??
travel or resident

我覺得如果你連佢真人都未見過既~~
你未免唸得長遠左囉

妙手3 入面~~ 林保怡有句野幾touch
不過我唔係太記得~~
佢大約意思話呢個世界冇人知將來所發生既野~~
但希望趁有機會珍惜同你o係一齊既日子~~

不過這句話不大適用於你~~
我估你同佢未曾真正接觸過~~
未曾經歷過考驗~~

所以如果你覺得一定冇將來既~~
我會建議長痛不如短痛~~
可能冇你想像咁傷呢
唔好拖泥帶水!!
祝你好運

我系呀∼我系澳門既∼系icq識佢架！我條仔系佛山既∼甘遠都得啦∼邊會話無可能架∼！

本來我真系有想過同佢講分手架∼覺得我地好似無可能甘∼但系我可能放唔底佢啦∼而且我仲好唔開心先∼所以我都系無講到∼佢好關心我架∼為左我物都可以做！佢好錫我！而且我地真系好有緣架！

只要你地兩個系真心得啦∼無物野系唔得架∼！

加油！

我日日都同佢傾電話架∼不過我屋企系好近珠海個邊∼所以我用大陸卡同佢傾架∼仲收得到先∼電話費平d呀！一日傾成兩個鐘先∼如果用澳明卡傾呢∼真系貴呀！