未開始拍拖時一起吃飯,最初我也打算他付錢後,給回自己一份,但他總是說不用,後來他說喜歡我,我最初是拒絕他,因為我不想發展得太快,之後出街也是他付錢,因為每次我想付自己一份時他也說不用,(特別是吃飯)如果我每次也拿銀包出來要aa好似有點假,後來便沒有特別要付回我自己的一份錢....
之後真的拍拖了,開始時依然是他付款,有一天他在行街時,對我說,"現在拍拖吃飯,看戲也是我付,有點吃力,好像變了理所當然的事.下次可否自己付回自己那份呢?"
我聽了有點呆了一呆,也說了"可以"
我也不是要所有東西也由男方付,說實我們的拍拖也不過是吃飯,間中看戲和遊車河而己,和男友shopping,要男友送給自己我真的沒有做過.所以我覺得開支有限.想著想著覺得不太舒服......
當日我和他了我的感受,他說,不是要計清一分一毫,如看戲是我出,吃飯是他出.
雖然有他的道理,我總是有種追求我時不用我付和真的和我拍拖要aa的怪感覺

不好意思,有點長
大家的想法呢?

要一個人比晒的確係幾慘嫁,,
睇諒下佢啦*

講真呀..睇下咩情況好比者...
如果成日佢比自己都唔係好意思啦..
而且都覺得佢有少少吃力啦...

追你既時候係''我比我比''禁架喇.
10個著8個都係,點解?因為要比好感你嘛,等你知道佢幾大方.
追到了.. 咪同你講..其實我日常開支好大.. 果邊又突然手緊,
呢邊又要幫朋友 , 想問你借返多少...
而家佢話aa你都冇計架..你唔肯既佢咪出少d街,勁同你講唔fair.
你肯既你自己又感覺唔好.. 同追你果時又貨不對板..
我身邊既好仔通常大少事項都會比晒.
唔係特別有錢.只係佢地有諗下將來,同自己條女冇乜計.
你幾時有見過2公婆要自己aa的.. 玩咩.
你bf要計,咪計飽佢囉.

我諗佢係唔想你認為同佢出去就一定要佢比囉﹐
有 d 男仔係甘架啦﹐同你拍拖o者﹐又唔係要養埋你,
追同一齊的時候可以好唔同架

係咁ga la
由個男仔比晒好慘ga
無lala出街用多成倍錢wor....
如果你係男仔
你會唔會想所有支出都係由你比?

禁個男仔要一個俾曬又係幾慘ge
體諒下佢啦

係咁ga la
係咁想男朋友比哂
一係番番以前囉
一定唔洗你比

男仔肯比晒錢係一種風度,你地一齊左幾耐先?
我同我bf差唔多一年,任何情況下佢都係鐘意佢自己比晒,
不過我有時會爭住比,唔係因為怕佢第日會同我計,
而係因為我想幫佢分擔一下,
有時食飯好貴,要佢比晒我個心會唔好過,

但你個個案就慘d,當時係你自己話要比,佢話唔洗,
係佢自己要求你唔洗比,所以佢而加咁同你講,你會唔舒服,
好似係你迫佢比晒錢咁..我明白你感受呀=.=

如果係我,我都會覺得怪...我唔鐘意咁!
我會同佢講以後乜都aa制,唔好煩,咁咪唔洗計囉..
不過咁樣拍拖,女仔又會好辛苦,遲早出事=.=
同埋,
講真..開始同你計既時候,尤其係金錢方面,
好多時都係代表呢段感情唔會長,我自己之前係一個好例子..
祝你好運=)

除非佢係有錢佬啦,行街、睇戲、食飯,洗得幾多錢呀? 每日送花送禮物畀你都仲得啦! 但係如果佢只不過月入七千, 重要顧家,咁就點都要鏗 d o架啦, 如果唔係佢點樣儲錢娶你呀? 有時 d o野要掉番轉頭唸先得o架!

初初追你梗係要出盡法宝啦, 就算借錢、唔畀家用都要溝到你為止啦。但係好多時香港女仔就係咁被緃慣, 以為次次唔使自己畀錢就以後都唔使畀。而家好多女仔搵錢比男仲要多呀,跟本唔係以前你亞媽、亞嫲年代咁, 女仔唔使出去做o野。做女仔其實要主動少少去畀錢先得o架, 就算唔係 AA 都一人畀一次丫, 又或者佢畀兩次你先至畀一次丫。次次都要男仔畀,你估佢養你咩? 除非你係大陸 d 二奶啦。

總之, 如果大家o既關係成熟, 大家都要付出才可以的。不一定計錢,你是可以付出其他的, 例如你可以對佢好o的咁...。

Quote:

Originally posted by ken_001 at 2005-10-15 04:25 PM: 除非佢係有錢佬啦,行街、睇戲、食飯,洗得幾多錢呀? 每日送花送禮物畀你都仲得啦! 但係如果佢只不過月入七千, 重要顧家,咁就點都要鏗 d o架啦, 如果唔係佢點樣儲錢娶你呀? 有時 d o野要掉番轉頭唸先得o架! 初初追你 ...

我又唔覺得咁係被緃慣,
只係諗住覺得男仔比開,又要求個女仔唔洗比,咁個女仔咪諗住唔比,唔通次次都問一次咩=.=
唔好講到d女仔咁衰,
同埋唔係個個男仔都咁計較,
我bf次次都要自己比,我又唔覺佢當我係二奶囉,:oh:
咁做完全係為左幫女朋友慳錢..

我妹個男朋友同我妹出街
都係佢男友比錢
冇錢ga話
佢男友寧願唔出
我妹話佢比
佢男友又唔肯wor

就下佢lo~

其實2個人都係互相like既人 有錢咪一齊用囉 唔洗分得咁清楚既

個男仔好吃力嫁∼
體諒下佢啦

除非對方幾百萬未開頭,如果唔係都係aa制好d,
男仔俾係情,唔俾係理,
冇理由一個人出晒,
o甘搞法以後仲點敢出街呀?
公平d好!