【東方日報專訊】一連四場「林憶蓮夜色無邊演唱會」昨晚圓滿閉幕，憶蓮個唱獲擊節讚賞，就連捧場的淑女陳慧琳（Kelly）也瘋狂，前晚她睇騷時就非常投入，更脫去外套剩下小背心，興奮地在觀眾席上跳舞兼扭動蛇腰，比憶蓮還肉緊！

前晚繼續有很多圈中人捧憶蓮場，包括其忠實fans男友陳輝虹、契爺胡楓、Kelly、周麗淇、蔡一智和女伴等。由頭睇到尾的Kelly全情投入，睇到「興」起時，她索性將外套脫去，剩下白色緊身小背心，站起來跟憶蓮又唱又跳，就像自己開演唱會一樣勁high。

觀眾的情緒亦相當高漲，不少人也站起來跳舞，更有熱情男歌迷，跨越鐵欄衝上台獻花，保安人員立即阻攔，憶蓮見狀即上前接過鮮花。

向樂手致歉

憶蓮前晚特別向樂手們致歉：「我先一晚唔記得多謝我既樂手，今晚要講唔好意思。」憶蓮兩度「安哥」後便完騷，但觀眾仍不停尖叫：「憶蓮！憶蓮！」又踩地又拍手，擾攘了十五分鐘才陸續散去。

另外，Kelly剛在韓國釜山出席完「第二屆Asia Song Festival」演出，Kelly此行獲泰國歌手Lanna Commins贈送CD，亦有韓國記者問Kelly會否到當地發展？她說會考慮發行單曲。