....... 2011-10-22.......

58張

晚上

今天是第一次看相的日子，咩一直以為去一次就得原來仲要去多2次！！

今次我們叫了小影幫眼，哈哈！感謝她的奄尖，我們都沒有亂來，只是揀了自己深愛的 58張呢～～～看來真的揀得不多啊，不過每張都是咩喜歡的！太好了～～～

原來攝影師及化妝師都在，咩跟小影仲爆笑D相！！！不過有D真係好爆趣的！！等我們看了一次全部相海人才來，東壩的相靚得太緊要了，都不枉我們爬山下海！揀的都是最多的，意外的是南昌公園的影得很美，訓草地的真是意外的歡喜，至於至愛的塗鴉揀的不多，因為這該不是攝影師的拿手，4張左右就完了～晚上的裙子很美，咩因為露背不可穿鋼根內衣，生怕勁肥啊！幸好不是好肥喎，小影還說不執相都OK呢！

真是不枉咩去攪洗衣機呢，要努力KEEP 住做EVA的靚靚姊妹呢～～～

揀好了就到了講價的時間，真係有D似街市買菜，講兩講成7千，又解釋不了每樣價錢，講到個畫架仲衰又話要UPGRADE＄1500，咩話阿K都不用加錢既！果個阿MAG又係咁係度摷FILE說沒可能摷了很久，摷到又話阿K個價錢貴D可以溶埋個畫架價錢，想溶左我地就真！仲冇啦啦DELETE曬我地揀了的相，好彩海人有用筆 MARK RECORD，不是要再睇一次都不知幾時先可以吃飯！最慘係不是揀了可以即刻拎走喎，要11月尾睇執相，有排先有！！

最後，什麼UV都沒加，畫架又看中了一個不用UP的（又不是差得咁緊要既！）32張相簿就OK了！當然都係加了張張＄50的編色錢啦～今次再花了＄2500比咩的預計平了，成個有趣的經驗花了＄13000，是值得而且很有紀念價值啊！感謝所有當中幫我們出過力的人！！

4：30攪到8：30先有飯吃，當然要請小影吃啦！花了她一個下晝加晚上啊！

要好好記住海人揀了咩一張待嫁單照說的一句話：這是給孫仔看看他麻麻有多美的相！

謝謝海人會跟咩一直走下去！！

人氣：237 , No.(1320834)