早上
|
溫先生.. 我真係好想知你究竟係度諗緊乜?
識左你8年喇...
我有次搵返8年前我手寫既日記~
睇完覺得自己好幼稚..
每次同你去玩都會好開心~
玩完之後都係勁回味同你一齊既感覺..
會自己一個人係度傻笑~
當時既我.. 真係好鍾意你.....
就算知你當時有女朋友..
我都忍唔住會陪你出去玩, 出去癲
果一刻... 我真係覺得自己係你半個女朋友*
不過就算自己有幾鍾意你~
我都冇同你講過一句鍾意你..
因為我唔想破壞呢一刻既關係..
我唔想同你變成陌生人
但我e家諗返... 覺得自己好傻~
鍾意咪鍾意囉~ 做咩要搞到唔3唔4..
大家都鬥氣... 因為一件事.....
我地既關係好似已經完左.....
當我覺得已經同你咩關係都唔係既時候..
相隔唔知幾耐~
你又主動搵返我.. 算係聚下舊定點呢?
食完飯之後我地又變返陌生人...
又相隔唔知幾耐~
到我有男朋友.. 你又出現返同我聚舊...
講返起仲記得當年同我一齊既回憶*
我真係好開心... 你從來都冇忘記到
原來我已經忘記既事你都仲記得~
但咁又點呢~?
當我接到我男朋友電話既時候..
你主動話要送我返去... 之後你又消失左...
ok~
之後你又撩下我.. 問下旅行野..
約我食飯但又放飛機....
之後又冇lala 打黎問路...
約我飲野... 但我唔理你
我約你去玩.. 你唔理我
當我以為你收心養性.. 知我有男朋友唔搵我
你又冇lala 出現!!!!!
問我係邊... 我答你元朗.. 你回我: 偉記
你知我係邊... 但我見唔到你.. 我好想見你
果陣我男朋友又係度......
我唔知你係見到咁.. 所以先唔直接打電話畀我
定係你唔care.. whatsapp完就算啦~
你回得好快.. 話自己走喇~ 就開車...
我都唔多講啦... 既然你見到我都唔叫我...
走先話我知做咩呢~?
同你講完88 之後... 我諗左幾分鐘...
先問返你做咩咁快走?
你已經唔理我喇....
好~
我再一次覺得我地已經完全冇野!
點知你又夜mama 打電話畀我......
你打黎做乜?
whatsapp 話問旅遊野...
有冇咁無聊?
我男朋友係隔離.. 我真係唔想再理你
夜mama 我都check 唔到d 乜啦~
究竟你係飲醉左..
亂咁打黎亂up一通定真係想問野?
你知道架....
你每次既舉動都好獨動我....
我真係好想知.. 究竟你8年前有冇鍾意過我?
我一直唔敢問... 成為我心入面既一個謎*
你去玩識咁多女~
點解當年成日都搵我一齊去玩.. 唔出去先識?
你成日去玩....
何必要咁念舊久唔久搵下我?
我唔明.. 完全唔明......
你當我係咩???
問旅遊野.. 你知我唔係直接做呢樣架~
你知我都會將你個問題交畀第2個答
咁你是但搵康泰,永安都得啦~ 問我做咩?
究竟係唔係我諗多左?
其實我8年前識既朋友.. 好多都已經冇聯絡啦~
唔係我冇搵佢地, 就係佢地冇搵我
唯獨係你....
對我仲咁【念舊】*
我應該多謝你冇忘記我定鬧爆你搵我做乜?
我唔知自己係你心入面係咩位置..
但我知道...
今時今日... 你仲無形地影響緊我*
我... 應該直接約你出黎講清楚?
定係繼續由得你.. 鍾意搵我就搵我?
我好驚.. 出到黎問唔出口..
反而更掛住你.. 更放唔低你...
你... 有呢種感覺嗎?
所以先一次又一次放飛機?
究竟係有心定冇意?
如果... 你真係認真一次約我食飯
我諗我會又鍾意返你*
我真係好懷念當年同你無話不談..
雖然冇正式一齊.. 但已經好鍾意.. 好鍾意你!
我唔係一個玩玩下既人~
以前我覺得.. 你久唔久搵下我..
我都覺得好sweet...
但人大左.. 好攰喇....
一係你唔好再搵我.. 我地係陌生人.. 好嗎?
一係你真係當我係一個普通朋友...
唔好再同我搞曖昧喇~
一係你就做我男朋友.. 承諾對我認真
我知第3個係我既幻想...
但我真係受夠喇.....
我只係想搵一個對我認真既人
一世既伴侶*
人氣：167 , No.(1325782) |
|
如果你係【溫先生】請睇睇呢篇日記*
